Skalt tú halda veitslu?

Edit gevur nú eina nýggja tænastu út, Sangir.fo. Henda nýggja heimasíða gevur tær sum skal halda eina veitslu o.a, fáa fatur á sangum ómakaðleyst og ókeypis.

Vit geva hesa heimasíðuna út, tí vit meta at ein mangul er í Føroyum innan hetta økið. Hóast vit hava givið heimasíðuna út er hon ikki heilt liðug. Nógv tilfar manglar enn at klárgerðast og leggjast út. Fleiri møguleikar á heimasíðuni fara eisini at verða lagdar út komandi vikurnar.

Á sangir.fo hava vit valt at einans brúka Vevlýsingar sum lýsingmiðil, og ikki stóru flash lýsingarnar, sum vit eru von við at síggja á teimum stóru heimasíðunum í Føroyum.

Hetta gera vit fyri at tað skal vera so ruddiligt og lætt, sum yvirhøvur gjørligt hjá brúkaranum.

Vevlýsingar er nýtt netverk við lýsingum í Føroyum. Allar lýsingarnar sum verða stovnaðar við Vevlýsingum, verða vístar á nógvum vælvitjaðum portalum og heimasíðum. Eitt nú kunnu vit nevna heimasíðuna hjá Norðlýsinum, sum er á top 10 á Vevmátingarlistanum yvir mest vitjaðu heimasíður í Føroyum.

Vit vóna at Sangir.fo fer at verða nógv brúkt, og at fólk fara at gera sær gagn av teimum nýggju møguleikunum sum vit geva út komandi vikurnar.

Vitja www.sangir.fo her